अरुणको जन्मकथा
पहाडहरू अजैँ कच्चा थिए, हिमालले अजैँ श्वास लिन सिकिरहेका थिए,त्यसै बेला पूर्वी आकाश चिरिँदै एउटा चाँदीको धार बग्यो।त्यो धार नै अरुण हो —हिमालको छातीबाट जन्मिएको,युगभन्दा कान्छो, तर आत्मामा अनन्त। मुन्धुमका पुराना वचन भन्छन्— “अरुण उपत्यका संसारकै कान्छो,तर यसको आत्मा सबैभन्दा पुरानो।” अरुणको पश्चिम माझ किरात,अरुणको पूर्व पल्लो किरात,तर दुवैको आकाश एउटै,दुवैको देवी एउटै।